Netnotkun dregur úr sjónvarpsáhorfi

Athyglisverðar niðurstöður í könnun BBC á sjónvarpsáhorfi, sem Morgunblaðið sagði frá um helgina.  Samkvæmt niðurstöðunum segist stór hluti aðspurðra sem skoðar myndskeið á netinu horfa minna á sjónvarp fyrir vikið.

Jafnvel þótt aðeins 9% segist skoða myndskeið á netinu að staðaldri er ljóst að vægi þessarar notkunar netsins kemur einungis til með að aukast á næstu árum á kostað sjónvarpsáhorfs. Með sífellt fullkomnari tækni, t.d. bættum myndgæðum, sífellt meiri nethraða og endalauss vals um afþreyingu sem finna má á netinu getur ekki farið á annan veg því aukið val dregur ávallt úr notkun sambærilegrar vöru/þjónustu sem fyrir er á markaði. Fleiri keppa um athygli fólks. Sama kakan er sífellt skorin í fleiri sneiðar.

Hvaða svar hafa sjónvarpsrekendur gagnvart þessari þróun? Er langt þar til þróunin fer að koma niður á sjónvapsstöðvunum fyrir alvöru eða geta menn andað rólega enn um sinn???

Bolli Valgarðsson | GCI Iceland | Head of Media Relations
[e-mail]

Vefvarpsáhorf dregur úr sjónvarpsáhorfi

Athugasemdir

[Gunnsteinn Þórisson, 27.11.2006 kl. 13:42]

Persónulega er ég nánast alveg hættur að horfa á sjónvarp, en ég stunda YouTube gláp grimmt, málið er bara að maður verður að vita á hvað maður vill horfa á. Annars held ég að sjónvarpsrekendur geta alveg slappað af, útvarp er enn á lífi í dag, ég sé ekki ástæðu afhverju sjónvarpið ætti að hverfa á undan.

[GreyTeam Íslandi ehf, 27.11.2006 kl. 13:55]

Takk fyrir þetta. Já, þú bendir réttilega á að sjónvarpsrekendur geti slappað af - eins og útvarpsrekendur á sínum tíma við innrás sjónvarpsins - og eins og bókaútgefendur gera enn þann dag í dag þrátt fyrir harða samkeppni við aðra afþreyingu.