Umdeild meðferð

Íslenskir íþróttafréttamenn hafa gert það að listgrein að beita orðinu umdeilt rangt. Nýjasta dæmið er að finna í íþróttafréttum á Stöð 2 í gær. Þar var sagt frá vítaspyrnu sem dæmd var í leik Sevilla og Tottenham í Evrópukeppni félagsliða í knattspyrnu á Skírdag. Orðrétt sagði að vítaspyrnan hefði "þótt afar umdeildur dómur."

Hlutir eru annað hvort umdeildir eða ekki, þeir þykja ekki umdeildir. Þetta er ekki í fyrsta sinn sem slíkt orðalag heyrist og virðist sem íþróttafréttamenn geri ekki greinarmun á því að vera umdeilt og umdeilanlegt. Hlutur getur þótt umdeilanlegur, eða jafnvel vafasamur, en sé deilt um þá eru þeir umdeildir.

Og hananú.

Guðmundur Sverrir Þór | Head of Financial Communications | GCI Iceland | [e-mail]